Integrasjon av smarte dørklokker i Futurehome - kva ynskjer folket?

General
#1

For ei tid sidan så la eg inn ein tråd på Canny der ein kan stemme viss ein ynskjer integrasjon mellom Futurehome og smarte dørklokker:

https://futurehome.canny.io/device-support/p/doorbell-support

Sidan denne tråden er heilt generell så kunne det vore moro å sett noko meir nøyaktig kva for dørklokke(r) folket her helst kunne tenkje seg å få støtte for? Kanskje er det òg greitt for FH-teamet å sjå kva brukarane ynskjer at dei skal prioritere fyrst. :blush:

(PS: Eg har laga det til slik at det går an å stemme på fleire enn eitt alternativ viss ynskjeleg. Eg tok med alle smarte dørklokker eg kunne kome på, men sei ifrå viss eg har gløymt noko. Eg veit ikkje om eg får redigert spørjeundersøkinga etter at den er laga, men i så fall så legg eg dei inn.)

Kva for ei (eller fleire) av desse smarte dørklokkene ynskjer du støtte for i Futurehome?
  • Nest Hello
  • DoorBird
  • Aeotec Doorbell 6
  • Ring Doorbell
  • Netatmo Smart Video Doorbell
  • UniFi Protect Doorbell

0 voters

2 Likes
#2

Eg veit tråden handlar om dørklokker, men skyt inn her, Defigo er eit framtidsretta norsk porttelefonsystem, som burde kunna la seg overtala til å samarbeida om ein integrasjon.

1 Like
#3

Interessant, og absolutt godt innanfor det tråden omhandlar etter mitt syn. :blush::+1:

Eg skal sjå om eg kan få dette inn som eit alternativ i spørjeundersøkinga òg.

Redigert: Eg får (forståeleg nok, når ein tenkjer over det) ikkje lov til å endre ei pågåande spørjeundersøking. Eg får altså ikkje lagt inn dette eller andre ting som måtte dukke opp. :expressionless: Uansett, takk for tipset! Berre sei ifrå viss de kjem på noko anna relevant, det vere seg dørklokker eller porttelefonar! :+1: